سەرۆكی فیدراسیۆنی نێودەوڵەتیی كۆمەڵهکانی مافی مرۆڤ دەڵێ كەمتەرخەمیی كاربەدەستانی دەوڵەت لە ئێران لەبابەت چاوەدێریی پزیشكیو بێهداشتیی شیاو بۆ زیندانیانیی سیاسیی نەخۆشو بێبەشكردنی ئەم زیندانییانە لە زۆربەی مافەكانیان، ڕێك بەپێی سیاسەتەكانیان بۆ سهرکوتی جیابیرانهو ڕاست بە مەبەستو سیستماتیک ئهم كارانە دەكەن.
عەبدولكەریم لاهیجی، لە نامەیەكدا بۆ زەید ڕەعد ئەلحوسێن، كۆمیسێری بەرزی مافەكانی مرۆڤی ڕێكخراوی نەتەوە یەكگرتووەكان بە پێشكێشكردنی ڕاپۆرتێكی دڵتەزێن لە بابەت بارودۆخی تەندرووستیی ژمارهیهکی بەرچاو لە زیندانیانی سیاسیو عەقیدەتی لە زیندانەكانی ئێران، خوازیاری دەستڕاگەیشتنی بەپەلەی هەموو زیندانیان به ئیمکاناتی پزیشكیو بێهداشتیی باشو گونجاو بوو.
لاهیجی لەم نامەیەدا که بۆ كۆمیسێری مافەكانی مرۆڤی ڕێكخراوی نەتەوە یەكگرتووەكانی ناردوه، پێداگری كردەوە كە زۆربەی زیندانیانی سیاسی له ئێران ناقانوونیو بە شێوەیەكی سەرەڕۆیانە بەند كراون.
سەرۆكی فیدراسیۆنی نێودەوڵەتیی كۆمەڵهکانی مافی مرۆڤ لەم ڕاپۆرتە ههژێنهرهدا كاربەدەستانی كۆماری ئیسلامی بەوە تاوانبار كردوە كە لە دابینكردنی ئیمكاناتو هەلی دەستڕاگەیشتنی زیندانیانی عەقیدەتی بە چارەسەری باشو ڕێكوپێكی پزیشكی خۆ دهبوێرن.
ئەم ڕاپۆرتە باسی لە مردنی لانیكەم ٥٠ زیندانیی سیاسیی لە ساڵی ٢٠٠٣ بەم لاوە لە زیندانەكانی ئێراندا كردوە كە لە بارودۆخێكی نائاساییداو بە هۆكاری جۆراوجۆر له زینداندا گیانیان لە دەست داوە.
ئەم ڕاپۆرتە هەروەها باسی لە بارودۆخی دڵتەزێنی تووشبوون بە نەخۆشییە جۆراوجۆرەكانی كۆمەڵێكی زۆر لە زیندانیانی سیاسی كردووە و بۆ نموونە ئاماژەی بە ناوی كەسانێكی وەك نەرگس محەممەدی، زێنەب جەلالیان، بەهارە هیدایەت، عەبدولفەتاح سوڵتانی، محممەدسەدیق كەبوودوەند، بێهنام ئەمیرزادە و ئومید كەوكەبی فیزیكناسی لاوی بەندكراوو كۆمەڵێكی زۆر لە زیندانییە سیاسییەكانی دیكە كردوە كە لە بواری جەستەییهوە لە دۆخێكی یەكجار نالەباردان، بهڵام بەم حاڵەش بهرپرسانی زیندان بە شێوەیەكی زۆر نەشیاو و نامرۆڤانە هەڵسوكەوتیان لەگەڵ دەكەن.
