وتەبێژی وەزارەتی بەرگریی رووسیە رایگەیاند؛ ئەرتەشی ئەو وڵاتە شەوی ڕابردوو هەزار و ٥٣ بنکەی سەربازییان لە ئۆکراین کردۆتە ئامانج.
ئیگۆر کۆناشینکۆڤ، وتەبێژی وەزارەتی بەرگریی ڕووسیە، ڕۆژی چوارشەممە ٣١ی خاکەلێوەی ١٤٠١ی هەتاوی لە کۆنفرانسێکی ڕۆژنامەوانیدا بەئاماژە بە دەسپێکردنی قۆناغی نوێی هێرشی سەربازیی بۆ سەر ئۆکراین، بەمەبەستی ئازادکردنی ناوچەکانی” دۆنتێسک و لۆهانسک” وتی: شەوی ڕابردوو ئەرتەشی ڕووسیە هەزارو٥٣ی هێرشی سەربازیی کردۆتە سەر ئۆکراین و لە ئاکامدا ٤ ناوەندی فەرماندەیی و ٥٧ بنکەی سەربازیی ئەرتەشی ئۆکراین خاپوور کران و هەروەها ماشینە سەربازییەکانی ئەرتەشی ئۆکراین بە تەواوەتی تێکشکێندراون.
ناوبراو هەروەها وتیشی: بەهۆی مووشەکە زیرەکەکانمانەوە ٤٠ سەربازی ئۆکراینی کوژراون.
