قەڵای والی ئیلام پێویستی بە نۆژەنكردنەوەی بەپەلە هەیە.
بابەك كرمانجی، بەڕێوەبەری مۆزەخانەی خەڵكناسیی “قەڵای والی”ی ئیلام گوتی: بەهۆی زۆر بوونی ئاستی باران بارینەكانی چەند حەوتووی ڕابردوو چەند بەشێكی بینای قەڵای والی خهریکه دهڕوخێو پێویستی بە نۆژەنكردنەوەی بەپەلەو خێرا هەیە. بەپێی قسەكانی ناوبراو بە هۆی باران بارینی زۆر و بێ پێشینەی چەند مانگی ڕابردوو لەم پارێزگایە، چەند بەشێكی خوارەوەو پلیكانەكانی هاتنە ژوورەوەی ئەم بینا مێژووییە زیانی قورسیان بەركەوتووە.
بەڕێوەبەری مۆزەخانەی خەڵك ناسیی “قەڵای والی”ی ئیلام ڕایگەیاندووە بۆ نۆژەنكردنەوە و پتەوكردنی ئەم بینا قەجەرییەی شاری ئیلام بڕی ٥٠ میلیۆن تمەن بوودجە پێویستە.
بینای قەڵای والی وەك هاوینەهەوارێك لە ساڵی ١٣٢٦ی هیجریی قەمەری بە بڕیاری غوڵامڕەزاخان حوكمڕانی ئەم ناوچەیە، لەسەر تەپۆڵكەی مێژوویی چغامیرگ لە گەڕەكێك بە ناوی حوسێن ئاوا كە ئێستا به ناوەندی ئەم شارە دادهنرێ، دروست كرا.
شایانی باسه باران بارینی زۆر لە ماوەی چەند مانگی ڕابردوودا زیانی زۆرو بەرچاوی بە زۆربەی خانووبەرەكانو ناوەندە تیجاریو ئیدارییەكانی شاری ئیلام گەیاندووە.
