بەهۆی تەقەی ڕاستەوخۆی هێزە چەکدارەکانی ڕێژیم لە ماشینی دوو سووتەمەنیبەری بەلووچ لەشاری کەهنووج،ئەو دوو هاووڵاتییە گیانیان لەدەست داوە.
بەپێی ڕاپۆرتی کەمپەینی چالاکانی بەلووچ، ڕۆژی چوارشەممە ٣١ی خاکەلێوەی ١٤٠١ی هەتاوی، هێزە چەکدارەکانی یەگانی مێرساد لە کەهنووج ڕاستەوخۆ تەقە لە ماشینی سووتەمەنیبەرێکی بەلووچ دەکەن و لە ئاکامدا ئەو دوو هاووڵاتییە بەلووچە کە ناوی یەکێکیان” ئەمان قەنبەرزێهی” و ناسنامەی ئەو کەسەکەی دیکە دیار نییە گیانیان لەدەست دەدەن.
کەمپەینی چالاکانی بەلووچ لەم پێوەندییەدا ڕایگەیاندووە کە ماشینی ئەو دوو هاووڵاتییە بەلووچە کە “بەنزین “یان دەگواستەوە، بەهۆی تەقەی هێزە چەکدارەکانی ڕێژیمەوە ئاگری تێبەر دەبێ و هەر دوو کەسەکە گیانیان لەدەست دەدەن و پاشان هێزە چەکدارەکانی ڕێژیم ئەو شوێنە بە جێدەهیڵن.
