باڵوێزی ئەمریکا لە لوبنان: ڕووبەڕووی هەموو گرووپە تێرۆریستەکان، بە تایبەتی حیزبوڵای لوبنان دەبینەوە.
دوروتی شیا، باڵوێزی ئەمریکا لە لوبنان، ڕۆژی چوارشەممە ٣١ی خاکەلێوەی ١٤٠١ی هەتاوی لە ڕێوڕەسمی ٣٩هەمین ساڵوەگەڕی تەقینەوەی باڵوێزخانەی ئەمریکا لە بەیرووت، سەرەڕای ئاماژە بەوەیکە ئەمریکا ڕووبەڕووی هەموو گرووپە تێرۆریستەکان لە ناوچەکەدا و بە تایبەتی حیزبوڵای لوبنان دەبێتەوە وتی: ئەمریکا سوورە لەسەر ئەوەیکە دادپەروەری بۆ قوربانیانی ئەو ڕووداوە دەستەبەر بکا و هەروەها پێبەند دەبێ بە بەڵێنەکانی سەبارەت بە دابینکردنی ئاسایش و سەقامگیری لە لوبنان.
جێگەی ئاماژەیە کە لە ساڵی ١٩٨٣ی زایینیی، باڵوێزخانەی ئەمریکا لە بەیرووت بەهۆی ماشینێکی مین‌ڕێژکراوەوە بوو بە ئامانجی هێرشێکی تێرۆریستی و لە ئاکامدا ٥٢کەس گیانیان لەدەستدا.
بەپێی بڕیاری دادگای ئەو کاتی ئەمریکا، ئەو هێرشە تێرۆریستییە لەلایەن حیزبوڵای لوبنان و بە فەرمان و پشتیوانی ماڵی ڕێژیمی ئێران جێبەجێ کراوە.
