ئەنووشیروان مۆحسێنیی بەندپێی، سەرۆكی ڕێكخراوی بێهزیستیی ئێران دەڵێ ئاستی تەڵاق لە هێندێك لە پارێزگاكانی ئێران گەیشتۆتە سەدی ٥٠.
ئەم كاربەدەستەی بێهزیستی ڕۆژی یەكشەممە 5ی بانەمەڕ له لێدوانێکدا بۆ ههواڵدهریی مێهر نیگهرانیی قووڵی خۆی له ڕەوتی ڕوو له گهشهی تەڵاق لە ئێران دهربڕی. ئهو گوتی ڕێژهی تەلاق لەم وڵاتە لە نێوان سەدی ٢٣ تا سەدی ٢٤ە.
ناوبراو لە بابەت ئەم پارێزگایانەی كە ئاستی تەڵاق لەوان گەیشتۆتە سەدی ٥٠ هیچ وردەكارییەكی ئاشكرا نەكرد، بەڵام ڕێكخراوی سەبتی ئەحواڵ پێشتر ڕایگەیاندبوو پارێزگاكانی تاران، ئەلبۆرز، گیلان، خۆراسانی ڕەزەوی و مازەندران لە بواری تەڵاقەوە زۆرترین ئاماریان بەركەوتووە.
گرفتە جنسییەكان، كێشەی ئابووریو دەستێوەردان و خۆتێهەڵقوتاندنی كەسانی دەوروبەر له ژیانی ژنو مێردهکان به گرینگترین هۆكارەكانی تەڵاقو جیا بوونەوەی ژن و مێردە لاوەكان لە ئێران دادهنرێن..
ڕێكخراوی سەبتی ئەحواڵ هەروەها دەڵێ ڕێژەی تەڵاق لە ئێران كە پێشتر لە هەر كاتژمێرێكدا ١٨ حاڵەت بوو، ئێستا بۆ ١٩ حاڵەت له ههر کاتژمێرێکدا زیادی كردوە.