كۆمەڵێك لە كرێكارانو بەرگریكارانی مافەكانی كرێكار لە سنە بێ گوێدانه ههڕهشهی ناوهنده ئهمنیهتییهکان به بەڕێوەبردنی ڕێوڕەسمێک ڕێزیان لە ڕۆژی جیهانیی كرێكار گرت.
لەم ڕێوڕەسمەدا كە ڕۆژی هەینیی ٣ی بانەمەڕ لە یەكێك لە ناوچهکانی ئەم شارەدا بەڕێوەچوو، پاش كۆمەڵێك قسەو باسو وتارو پێشكێشكردنی چەندین كۆپلە شێعر، بڕیارنامەیەك لە لایەن ژنانی بەشداربووی ئەم ڕێوڕەسمە خوێندرایەوە.
لە بەندەكانی ئەم بڕیارنامەیەدا پێداگری لەسەر پێویستیی زیادكرانی هەقدەستی كرێكاران بەپێی ستانداردەكانی ژیانی ئەم سەردەمە كرابوو، ههروهها پێداگری له سهر ڕهوابوونی کۆمهڵێک مافو داوا کرابوو، بۆ نموونە: ههبوونی مافی ئازادیی پێکهێنانی ڕێكخراو، مافی خۆپیشاندانو ناڕەزایەتی دەربڕین، مافی ئازادیی ڕادەربڕین، زیادبوونی مووچەو هەقدەستەكان بەپێی ستانداردەكانی ژیانی سەردەم، پێدانی مووچەی دواكەوتووی كرێكاران، تێكرانی حەقی بیمە، هەڵوەشانەوەی گرێبەستە كاتییەكان، یەكسان بوونی مافی ژنو پیاو لە هەموو بوارە كۆمەڵایەتی، ئابوویو سیاسیو ئازادكرانی سەرجەم كرێكاران و چالاكانیی كرێكاریی بەندكراو.
شایانی باسه ئەم ڕێوڕەسمە لە حاڵێكدا بەڕێوەچوو كە ناوهنده ئەمنیەتییەكان لە سەرەتای مانگی بانەمەڕهوه، بە بانگكردنی كۆمەڵێك لە چالاكانی كرێكاریو هەڕەشە كردن لەوان، هەوڵیان داوە ڕێگری لە خۆپێشاندانی كرێكاران لە ڕۆژی جیهانیی كرێكاردا بكەن.