پارێزگای ئیلام پلەی یەکەمی وشکەساڵی لە ئێران تۆمار کرد و بەرپرسانی ڕێژیمیش هیچ بایەخێک بەو کێشە مەترسیدارە نادەن.
کوردستان خاوەنی دەوڵەمەندترین سەرچاوە سروشتییەکانی ڕۆژهەڵاتی ناوەڕاستە و ئیلامیش لەو بوارەدا پارێزگایەکی بەرچاوە کە هەم لە بواری بەرهەمهێنانی سووتەمەنی و بەتایبەت گاز و هەم لە بواری ئاو و سەرچاوە ئاوییەکانەوە، بە یەکێک لە پارێزگا دەوڵەمەندەکانی کوردستان ئەژمار دەکرێت، بەڵام سەرەڕای ئەوەش هەر لە سەرەتای ئەمساڵەوە ئەو پارێزگایە پلەی یەکەمی وشکەساڵی لە وڵاتی ئێراندا تۆمار کرد.
لەم پێوەندییەدا عەلی پوورئەحمەد، بەرپرسی بەڕیوەبەریی ئاو و ئاوەڕۆی پارێزگای ئیلام ڕایگەیاندووە: کەمکردنەوەی سەدا ۴۶ بارانبارینەکان لەمساڵدا لە پارێزگای ئیلامدا، بووەتە هۆکاری ئەوەی کە ئەو پارێزگایە لە پلەی یەکەمی وشکەساڵی لە وڵاتی ئێراندا تۆمار بکرێت و هەنووکەش وشکەساڵی ۲٠ هەزار کیلۆمیتری سێجای پارێزگای گرتووە و بەتایبەت ناوچەکانی هەلیلان و دێلوڕان بە شێوەیەکی مەترسیدارتر تووشی ئەم ئاریشەیە بوونە.
