ڕێبەرانی وڵاتانی كەنداو و ئامریكا لە كۆبوونەوەیەكدا،كۆماری ئیسلامیی ئێرانیان بە هۆی شێواندنی ناوچەی خۆرهەڵاتی نێوەڕاستو ،پشتگیریكردنی گرووپە تێرۆریستییەكانی وەك حیزبوڵڵای لوبنان مەحكووم كرد.
وڵاتانی بەشداربوو لەم كۆبوونەوەیەدا، لەسەر ڕێكخستنی هەوڵەكانیان بۆ بەچۆكداهێنانی گرووپە تێرۆریستییەكان، بەڕێوەبردنی مانۆڕی نیزامیی هاوبەش لە ڕهشهممهی ئهمساڵداو گۆڕینەوەی زیاتری زانیارییەكانیان سەبارەت بە مەترسییەكانی ئێران لە ناوچەدا ڕێك كەوتن.
ئەم وڵاتانە بڕیاریان دا بە مەرجێك پێوەندییەكانیان لەگەڵ ئێران دەست پێ بكەنەوە كە ئەم وڵاتە سیاسەتەكانی خۆی بگۆڕێو چی دیكە دەست لە كاروباری وڵاتانی ناوچە وەرنەدا.
مەلیك سولەیمان بین عەبدولعەزیز، پاشای عهڕهبستانی سعوودی لە قسەكانی خۆی لە كۆبوونەوەی ڕێبەرانی كەنداو و ئامریكا لە ڕیاز، پێبەند بوونی وڵاتانی كەنداوی لە بابەت پەرەپێدانی پێوەندییە مێژووییەكانی خۆیان لەگەڵ ئامریكا ڕاگەیاند.
لە لایەكی دیكەوە باراك ئۆباما سەركۆماری ئامریكا لە كۆتایی ئەم كۆبوونەوەیەدا ڕایگەیاند: “لە بابەت پێوەندییەكانی ئامریكا لەگەڵ وڵاتانی كەنداو لە بوارە جۆربەجۆرەكاندا بە پێشكەوتنی گرینگ گەیشتوون.”
ڕۆژی پێنجشەممە ٣ی بانەمەڕ، كۆبوونەوەی ڕێبەرانی كەنداو و ئامریكا، بە مەبەستی قسە كردن لەسەر جێگیر كردنی ئاشتیو ئارامی لە ناوچە، شەڕ لەگەڵ تێرۆریسمو بەرپەرچدانەوەی دەستێوەردانەكانی ئێران دەستی پێ كردبوو.
