هاووڵاتییەکی کوردی خەڵکی کرماشان لە ئیدارەی ئاگاهیی شاپووری تاران لەژێر ئەشکەنجەی هێزەکانی ڕێژیم گیانی لەدەست دا.
رۆژی چوارشەممە ٢٤ی خاکەلێوەی ١٤٠١ی هەتاوی هاووڵاتییەکی کورد بە ناوی “میلاد جەعفەری” ٢٥ساڵە و خەڵکی کرماشان لە گرتنگەی ئاگاهیی شاپووری تاران بەهۆی ئەشکەنجەوە گیانی لەدەست داوە.
سەرچاوەیەکی نزیک لە بنەماڵەی میلاد ڕایگەیاندووە کە ئەم هاووڵاتییە، تەرمەکەی جێگای لێدان و ئەشکەنجەی پێوە دیارە و هەر بۆیە بنەماڵەکەی هێزەکانی ئەم گرتنگەیە بە تاوانبار و بکوژی کوڕەکەیان دەزانن.
جێی ئاماژەیە کە ئاگاهیی شاپووری تاران یەکێک لە ترسناکترین گرتنگەکانی تارانە و تا ئێستا بە دەیان کەس لەژێر ئەشکەنجەدا لەو گرتنگەیە گیانیان لەدەست داوە.
