مردن بەهۆی زۆر بە كارهێنانی مادە هۆشبەرەكان و ڕوو تێكردنی ئیعتیاد ڕۆژ لەگەڵ ڕۆژ زیاتر پەرە دەستێنێ، ئەوەش لە حاڵێك دایە كە زۆربەی تاكەكانی كۆمەڵگا هۆگری ئەم ماددانە بوونو كاتی دەستڕاگەیشتن بە مادەی هۆشبەریش یەكجار كەم بووەو زۆر بە ئاسانی دەست دەكەوێ.
عەلی هاشمی، سەرۆكی كۆمیتەی سەربەخۆی بەربەرەكانیی لەگەڵ مادەی هۆشبەری کۆڕی دیاریکردنی بەرژەوەندییەكانی نیزام دەڵێ بەپێی دوایین توێژینەوەكان لە ماوەی ١٠ ساڵی ڕابردوودا ڕۆژانە ٨ كەس بەهۆی زۆر بەكارهێنانی مادەی سڕكەر گیانیان لە دەست داوه، لە لایەكی دیكەشەوە ڕۆژانە ١٠٠ كەسی دیكەش موعتاد دەبن.
ناوبراو هەروەها پێی لێناوه که كاتی دەستڕاگەیشتن بە مادە هۆشبەرەكان لە ئێران گەیشتۆتە 2 خولەك. لە حاڵیكدا كە پێشتر ماوەی دەستڕاگەیشتن بە مادەی هۆشبەر ٢٥ خولەك بووە، ئەم ماوەیە لە تاران به ٧ خولەك مەزندە كراوە.
عەلی هاشمی دەڵێ بەپێی دوایین لێكۆڵینەوەكان سەدی ٢١ی كرێكارانی كارگە سەنعەتییە گەورەكان موعتاد به ماادهی هۆشبهرهکانن.