سكرتێری گشتیی شورای هاوكاریی وڵاتانی كەنداو، دەڵێ كە ئەندامانی ئەم شورایەو ئامریكا ڕێك كەوتوون كە لە چاودێرییەكی هاوبەشدا پێش بەم پاپۆڕانەی ئێران بگرن كە کهرستهی شهڕو چەكوچۆڵ بۆ یهمهن دهگوازنهوه.
عەبدوللەتیف زیانی كە لە دەستێوەردانی نیزامی لە یەمەن لە ساڵی ٢٠١٥دا، ڕۆڵی فەرماندەی بەرەی هاوپهیمان بە ڕێبەریی عەرەبستانی لە ئەستۆ بوو، ڕۆژی چوارشەممە، ١ی بانەمەڕ لە پرێس كۆنفرانسێكی هاوبەشی خۆی لهگهڵ ئێشتون كاتێر، وەزیری بەرگریی ئامریكا، باسی لەم ڕێككەوتنە كرد.
پێش ئەم پرێس كۆنفرانسە، وەزیرانی بەرگریی وڵاتانی ئەندامی شوڕا، عەرەبستان، كوەیت، قەتەر، بەحرەین، عومانو ئیمارات چاویان بە ئێشتون كارتێر كەوت.
ئێشتون كارتێریش لەم پرێس كۆنفرانسەدا پێداگریی لەسەر هاوكاریی وڵاتەكەی لەگەڵ ئەم شورایە كردەوەو گوتی پاراستنی ئەمنیەتی ئەم وڵاتانە لە بەرەنگاربوونەوە لەگەڵ چالاكییە تێكدەرەكانی كۆماری ئیسلامی بۆ ئامریكا گرینگیی زۆری هەیە.
ناوبراو هەروەها دەڵێ ڕێككەوتنی ناوكی لەگەڵ ئێران تەنیا بە مەبەستی سەقامگیریی ناوچە بوو و ئامریكا بەرەنگاریی دەسبزێوییەكانی ئێران لە ناوچەدا دەبێتەوە.
ئەم ڕێككەوتنەی ئامریكاو وڵاتانی ئەندامی هاوكاریی شورای كەنداو لەبارەی دانانی پایەگایەكی هاوبەشی چاودێریی كردنی پاپۆڕەكانی ئێران بە هۆی نەناردنی چەكوچۆڵ بۆ یەمەنە.
وڵاتانی كەنداو پێشتر چەندین جار كۆماری ئیسلامیی ئێرانیان بە ناردنی چەكوچۆڵ بۆ یەمەن تاوانبار كردوە.
