بژیوی ژیانی نزیكەی ٢ میلیۆن كەس لە ئێران لە ڕێگەی دەستفرۆشییەوە دابین دەكرێ.
بەهمەن ئەحمەدی ئەموویی، ڕۆژنامەنووسو كارناسی ئابووری وێڕای ئاماژە بەم مەسەلە كە لە حاڵی حازردا نزیكەی ٥٠٠ هەزار دەستگێڕو له سەر شەقامی شارهکانی وڵات بڵاوبوونهتهوه، گوتی: ههتا ١٠- ١٥ ساڵ لەمەوبەر، ئەو كەسانەی كاری دەستفرۆشییان دەكرد، زۆرتر وەك شوغڵی دووهەم یان سێهەم ڕوویان لەم كارە دەكرد، بەڵام ئێستا سەدی ٣٠ حەشیمەتی دەستفرۆشەكان تەنیا ڕێگەیەك كە بۆ دابین كردنی بژێوی ژیانیان شك دەبەن پەنابردن بۆ سەر شەقامەكانو فرۆشتنی كۆمەڵە كاڵایەكی سادەو ساكارە و جگە لەوە هیچ دەرەتانێكی دیكەیان نییە؛ ئەوەش نیشانەی ئەوپەڕی كارەسات له ئابووریی وڵات دایهو دهرخهری بێ دهرهتانیی خەڵك لە دهستخستنی داهات لە ڕێگەی ڕەسمییە.
ئەم كارناسە ئابووریە دەڵێ لە ماوەی پێنج شهش ساڵی ڕابردوودا ئابووریی ئێران توانای خوڵقاندنی كارو شوغڵی نەبووەو، لە ٢ ساڵی کۆتایی دەوڵەتی ئەحمەدینژاددا ئابووریی ئەم وڵاتە هیچ گەشەیەكی بەخۆیەوە نەبینی، كاتێكیش كە ئابووریی ئیفلیج بوو نیشانەی ئەوەیە كە تەنانەت ئهوانهی کاریشیان ههیه كارو شوغڵی خۆیان لە دەست دەدەن. ئهو دهڵێ ئەم بارودۆخە لە دەوڵەتی ڕووحانیشدا هەر وەك خۆیەتی و هیچ گۆڕانكارییەكی بەسەردا نەهاتووە.
بەهمەن ئەحمەدی دەڵێ زۆربەی ئەم دەستگێڕانە لە كەسانی خانەنشین كراو، ژنانی ماڵدار، دەرچووانی زانكۆكانو لاوانی بێ سەرمایەو ئەم كەسانە پێك هاتووە كە پێشتر پێشێنه كاریان نەبووە. ئەم كەسانە لە بواری كۆمەڵایەتییەوە كەمترین پشتگیرییان لێ دەكرێو بە هۆی بێكاری و نەبوونی توانای ئیدارەكردنی ژیانو وەدەست هێنانی خەرج تێچووی خۆیانو بنەماڵەكانیان ڕوویان لە دهستگێڕیو دهستفرۆشی كردوە.