بەردەوامیی چالاکیی تەبلیغیی بەبۆنەی ڕۆژی شەهیدانی کوردستان لە شار و ناوچەکەکانی کوردستان

لە شار، شارۆچکە و ناوچە جیاجیاکانی کوردستان، بەبۆنەی ١٠ی خاکەلێوە، ڕۆژی لەسێدارەدانی پێشەوا قازی محەممەد و هاوڕێیانیان کە بە ڕۆژی شەهیدانی کوردستان دیاری کراوە، چالاکیی تەبلیغیی بەڕێوە چوو.
بەپێی هەواڵی گەیشتوو بە ناوەندی ڕاگەیاندنی حیزبی دێموکراتی کوردستان، خەڵکی شۆڕشگێڕی کوردستان، لە هەموو شار و ناوچە جیاجیاکانی کوردستان بەبۆنەی ١٠ی خاکەلێوە ڕۆژی شەهیدانی کوردستان پەیمان و بەڵێنیان لەگەڵ ڕێبازی شەهیدان نوێ کردەوە و بە بڵاوکردنەوەی تراکت و چالاکیی تەبلیغیی ئەو ڕۆژەیان بەرز و پیرۆز ڕاگرت و بە گوێی داگیرکەرانی کوردستانیان چرپاند کە سەرەڕای بەربەستەکان، خەڵکی کوردستان درێژەدەری ڕێبازی پیرۆزی شەهیدانن.
ڕێبوارانی ڕێگەی پیرۆزی شەهیدانی کوردستان، سەرەرای بەربەستی هێزە سەرکوتکەرەکانی کۆماری ئیسلامیی ئێران لە کوردستان، ڕۆژی شەهیدانی کوردستانیان بەرز و پیرۆز نرخاند و بە چالاکیی تەبلیغیی لەو ڕۆژەدا بەڵێن و پەیمانانیان لەگەڵ ڕێبازی پێشەوا قازی محەممەد نوێ کردەوە و ئەمەش پەیامێک بوو بۆ تێرۆریستانی ڕێژیمی ئێران کە خەڵکی شۆڕشگێڕی کوردستان لەسەر ڕێبازی شەهیدان بەردەوامن و پاڵ بە سیاسەتە دژەگەلییەکانی کۆماری ئیسلامی نادەن.

 

1 لە 14

- +

1.

2.

3.

4.

5.

6.

7.

8.

9.

10.

11.

12.

13.

14.