ئەندامانی حیزبی دێموکرات و لاوانی گوندی مێراو سەر بە ناوچەی ژاوەرۆی سنە، بەبۆنەی ١٠ی خاکەلێوە، ڕۆژی شەهیدانی کوردستان پەیامیکیان بڵاو کردەوە، دەقی پەیامەکە شەم شێوەیە:
خەڵکی شۆڕشگێڕی کوردستان!
تێکۆشەرانی ڕێبازی شەهیدان!
٧۵ ساڵ بەر لە ئێستە، ڕێژیمی داگیرکەری پەهلەوی، بە هێرشکردنە سەر خەڵکی کوردستان و کۆمارە دێموکراتیکەکەمان، هەروەها بە شەهیدکردنی پێشەوای کوردان و هاوڕێیانی، پەڵەیەکی تری ڕەشیان خستە ناو کارنامەی شوومی خۆیان و ویستیان گەلی کورد بەچۆکدا بێن و ئیرادەی شوناسخوازیی لەنێو ببەن.
بەڵام هەموو داگیرکەرانی کوردستان دڵنیا ئەکەینەوە کە ئەمڕۆ هەزاران قوتابیی پێشەوای نەمر و بەتایبەت ئێمەی لاوان لەسەر ڕێبازەکەی تاکوو دامەزراندنەوەی کۆماری کوردستان لە گەشانەوەی ئاگری بەتینی شۆڕش بەردەوام دەبین.
هەر وەکوو ڕێبەری زانامان د. قاسملووی شەهید فەرمووی: “باشترین پاداش بۆ شەهیدان درێژەدانی ڕێگەیانە”، لە بەرەبەری ٧۵ ساڵەی لەسێدارەدانی پێشەوای سەرۆککۆمار و هاوڕێیانی و لە ڕۆژی شەهیدانی کوردستاندا، جارێکی تر لەگەڵ ڕێبازەکەیان و بەتایبەت لەگەڵ قوتابخانەی پێشەوامان بەڵێن و پەیمان نوێ ئەکەینەوە کە تاکوو دامەزراندنەوەی کۆمار هەدا نادەین و لە خەبات و بەرخۆدان بەردەوامین.
سڵاو بۆ شەهیدان
سەرکەوتن بۆ کوردستان
ئەندامان و لاوانی ئاوایی مێراو
٩ی خاکەلێوەی ٢٧٢٢ی کوردی
