چوار کەس لە هاووڵاتییانی سنە که ڕۆژی دووشەممە ڕێکەوتی ١ی خاکەلێوەی ساڵی ١٤٠١ی هەتاوی لەکاتی بەشداریکردن لە ڕێوڕەسمی نەورۆز لە پارکی منداڵانی شاری سنە دەسبەسەر کرابوون، ڕۆژی دووشەممە ٨ی خالەلێوە بە دانانی بارمتە و بە شێوەی کاتی ئازاد کران.
بەپێی هەواڵی گەیشتوو بە ناوەندی ڕاگەیاندنی حیزبی دێموکراتی کوردستان، ڕۆژی دووشەممە ٨ی خاکەلێوەی ١٤٠١ی هەتاوی، مەستوره موستەفا موبارەک، عابد خورشیدی، کەیوان زەندکەریمی و فەردین پەیمانکار به شێوەی کاتی لە بەندیخانەی ناوەندیی سنە ئازاد کران.
جێی ئاماژەیە کە ڕۆژی ١ی خاکەلێوە هێزە سەرکوتکەرەکانی ڕێژیم هێرشیان کردە سەر ڕێوڕەسمی نەورۆز لە پارکی منداڵانی سنە و دەیان هاووڵاتییان دەسبەسەر کرد کە زۆرینەیان ژن و کەسانی تەمەن ژێر ١٨ ساڵ بوون.
