ئەندامان و لایەنگرانی حیزبی دێموکراتی کوردستان لە شاری سەقز، بەبۆنەی ١٠ی خاکەلێوە ساڵڕۆژی لەسێدارەدانی پێشەوا قازی محەممەد بە بلاوکردنەوەی تراکتی تایبەت بەو ڕۆژە چالاکیی تەبلیغییان بەڕێوە برد.
بەپێی هەواڵی گەیشتوو بە ناوەندی ڕاگەیاندنی حیزبی دێموکراتی کوردستان، ڕۆژی یەکشەممە ٦ی خاکەلێوەی ١٤٠١ی هەتاوی، ئەندامان و ئەویندارانی ڕێبازی شەهیدانی کوردستان، بەبۆنەی ١٠ی خاکەلێوە ساڵڕۆژی لەسێدارەدانی پێشەوا قازی محەممەد، سەرۆک‌‌کۆماری کوردستان و هاوڕێیانی، بە بڵاوکردنەوەی تراکتی تایبەت بەو ڕۆژە لە شوێن و گەڕەکە جیاجیاکانی شاری سەقز، چالاکیی تەبلیغییان بەڕێوە برد و لەگەڵ ڕێبازی شەهیدانی کوردستان بەڵینیان نوێ کردەوە.
ئەویندارانی ڕێبازی پیرۆزی شەهیدانی کوردستان، وێڕای بەربەستە توندەکانی هێزە سەرکوتکەرەکانی کۆماری ئیسلامیی ئێران بە بڵاوکردنەوەی تراکتی تایبەت بە ڕۆژی شەهیدان، بەڵێنیان لەگەڵ ڕێبازی پێشەوا قازی محممەد دووپات کردەوە و بەو چالاکییە ئەوەیان نیشان دا کە تا گەیشتن بە ئامانجی شەهیدان لەو ڕێگەیەدا خەبات دەکەن.
