هاووڵاتییەکی ژن خەڵکی سنە دوای شەش ڕۆژ لە دەسبەسەرکرانی چارەنووسی هێشتا ناڕوونە.
یەکێک لەو ژنانەی کە لە ڕێوڕەسمەکانی نەورۆزی سنە دەسبەسەر کراوە بە ناوی “مەستوورە مستەفا موبارەک” تەمەن ٤٥ ساڵ دوای ٦ ڕۆژ لە دەسبەسەرکرانی چارەنووسی ناڕوونە و بەدواداچوونی بنەماڵەکەی هێشتا بێ‌ئاکام ماوەتەوە.
بەپێی سەرچاوەیەکی باوەڕپێکراو مەستوورە مستەفا موبارەک بۆ ناوەندی بەناو چاکسازی و پەروەردەی زیندانی سنە گوازراوەتەوە، بەڵام تاکوو ئێستا بە بنەماڵەکەی ڕانەگەیێندراوە.
جێی ئاماژەیە کە دوای بەڕێوەچوونی ڕێوڕەسمەکانی نەورۆزی کوردەواری لە شاری سنە و دەوروبەری لە ئەمساڵدا بە دەیان هاووڵاتی بە هۆکاری بەشداری لەو بۆنەیەدا لەلایەن دامودەزگا ئیتلاعاتییەکانی ڕێژیم دەسبەسەر کران.
