ـــــــــــــــــــــــــــــــــــــــــــــــــــــــــــــــــــــــــــــــ
دەتوانی دەقی شێعرەکەش بخوێنیەوە و ویدیۆکەش ببینی و ببیسی.
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ئاونگی سەر پەلکی شلــــکی وەنەوشەن
شێعری تەڕت، مامۆستای گەورەم هێمن.
دەتکێنە سەر دڵی گ ەرم و بەتاســـــەم
بۆنی بەهار بە دیـــــاری دینـــــــن بۆ من
****
تەزوویەکی سووکی سوکناییهێـــــــــــــەر
دەگرێتەوە هەموو دەمـــــــــــــــــارەکانم
هەست دەکەم خەم بەجێم‌دێڵی بۆ ساتێک
ڕوون دەبینم ڕێباز و بـــــــــــــوارەکانم
*******
گوڵاوی وشەی ڕەسەنی خۆمـــــــــــاڵی
بۆنخۆش دەکا زەوقی شێعری ژیرانەم
مانا و شوبهاندنی بەرز و کەمهاوتات
خەنی دەکا خــــــــــــەیاڵی شاعیرانەم
*****
شەو شەق بووە و ئەمن هەروا دانیشتووم
دەگەڵ شێعرت دەگۆڕمەوە کوڵــــــــو کۆم
دەڵێی مـــــــەلە دەکەم لە نێو گۆمێک دا
تا ڕٶدەچم، زیاتر تینوو و تامـــــــــەزرۆم
*****
دەبا بە بیر و گیــــــــــــــــــانەوە نوقم بم
لە نێو ئاوی ڕوونی ئەو گۆمـــــــە مەندە
سەودای دڵە و گرانە ئەو کــــــــــاڵایە
بە گیان نەبێ، چلٶن دەکرێ مەزەندە
****
دەگریم بەکوڵ لەگەڵ “ناڵەی جودایی”ت
“ناسۆری تەشەنا”م هەڵ‌دەداتــــــــــــەوە
بەڵام “تاریک و ڕوون”، “ئاسۆی ئاوات”ت
بەرەو دنیای هومـــــــــــــــــــــێدم دەباتەوە
****
“ڕۆژی شادی”ت لە “ڕێبەندان” دا دیبوو
لەگەڵ پێشەوای سەرکۆمار هاودەم بووی
بەفرمێسکی ڕنوو” پەروەردە بــــووبووی
جەوری زەمان”لەکوێوە بۆ کوێ”ی بردبووی
****
چارەنووسی شاعیرێکی وەکوو تـــــــــــــــۆ
“سووڕی دەوران” نەبا، نەدەبــــــوو بەگرێ
تۆ کە پیری “عیشق و ئازادی”مان بـــــووی
“بۆسەی ڕۆژگار” چلۆن توانی بــــت‌گرێ؟
****
“بارگەی یاران” پێچرایەوە و ڕۆیشــــــــتن
بەلام جێگات هەروا دیار بوو لە لایـــــــان
چەتری وشەت هەڵدرابوو بە دایــــــــــــــم
لە سەر هەوارگە و سابات و قەڵایـــــــــان
ڕاستە مامۆستام قەدەرعــــــــــــــەیامێکە
بە جەستە و ڕواڵەت نەماوی، مردووی
بەڵام لە نێو دڵ و بیری هەمووان دای
وشە و مانات ماون، نەمریان کردووی
ئاشق ـ بەهاری ١٣٩٣ی هەتاوی
ـــــــــــــــــــــــــــــــــــــــــــــــــــــــــــــ
شێعر و خوێندنەوەکەی : ئاشــــــــــــــــــــق
تۆمارکردن، مۆنتاژ و ڕازاندنەوە: کوڕی ژیرو دەستڕەنگینم فاڕوق ئیسماعیلی
