دوو هاووڵاتیی کورد خەڵکی شارەکانی مەریوان و پیرانشار دەسبەسەر و بۆ شوێنێکی نادیار گواسترانەوە.
بەگوێرەی هەواڵی گەیشتوو بە ناوەندی ڕاگەیاندنی حیزبی دێموکراتی کوردستان، ئێوارەی ڕۆژی شەممە ٢٨ی ڕەشەمەی ١٤٠٠ی هەتاوی، هێزە سەرکوتکەرەکانی ئیتلاعاتی رێژیم لە پیرانشار هاووڵاتییەکیان بە ناوی “بەهمەن چێشت” تەمەن ٤٨ ساڵ دەسبەسەر و بۆ شوێنێکی نادیاریان گواستووەتەوە.
هەروەها هاووڵاتییەکی کورد بە ناوی “بورهان درەخشانی” کوڕی عەبدوڵا خەڵکی شاروچکەی “نێ”ـی سەر بە مەریوان دوای بانگکرانی بۆ ئیدارەی ئیتلاعاتی ڕێژیم دەسبەسەر و چارەنووسی ناڕوونە.
