دوازدەهەمین فێستیڤاڵی چیرۆک نووسی لە شاری بانە بە بەشداری ٦٨١ بەرهەمی نووسەران بەڕیوەچوو.
ڕێوڕەسمی کۆتایی دوزدەهەمین فێستیڤاڵی چیرۆک”ی، بانە کە لە ڕۆژی دووشەممەوە دەستی بە کارەکانی کردبوو ئێوارەی ڕۆژی چوارشەممە ٢٥ی ڕەشەمەی ١٤٠٠ی هەتاوی بە ناساندنی باشترین بەرهەمەکان کۆتایی بە کارەکانی هێنا.
پاش پێداچوونەوە بە ٦٨١ بەرهەم لە بەشی مناڵان و مێرمناڵان و گەورەساڵان بە هەر دوو زمانی کوردی و فارسی کە بۆ “بەڕێوەبەرایەتیی فێستیڤاڵی بانە” نێردرابوو ٧١ بەرهەم چوونە قۆناغی کۆتایی فێستیڤاڵەکە کە چیرۆک‌نووسانی بۆکانی هەشت خەڵاتیان وەرگرت و زۆرترین خەڵاتی ئەو فێستیڤاڵەیان لە بەشی چیرۆک‌نووسی مناڵ و مێرمناڵدا بەدەست هێنا.
