سەردانی ڕێکخراوی “کلاونس ویت ئاوت بۆردێرس” لە کوردستان

ڕێکخراوی “کلاونسی بێسنوور” بۆ ئاگاداربوون لە دۆخی مناڵانی کوردستان سەردانی چەند کەمپێکی پەنابەرانی ڕۆژهەڵاتی کوردستانیان کرد.
ڕۆژانی ١٤ تاکوو ١٩ی ڕەشەمەی ١٤٠٠ی هەتاوی بەرانبەر بە ٥ تاکوو ١٠ی مارسی ٢٠٢٢ی زایینی، ڕێکخراوی “کلاونسی بێسنوور” لەسەر داوای خاتوو تارا عەزیزی وەکیلی مافی مرۆڤ لە ئەمریکا و نیشتەجێ لە واشینگتۆن بۆ ئاشنابوون لەگەڵ دۆخی منالانی کورد سەردانی چەند کەمپێکی پەنابەرانی ڕۆژهەڵاتی کوردستانیان کرد.
ڕێکخراوی “کلاونسی بێسنوور ” لە ڕێگای ڕێکخراوی “تی دی ئێچ”، ڕێکخراوی منداڵپارێزیی ڕۆژهەڵاتی کوردستان و ڕێکخراوەکانی مناڵپارێزی لە کەمپەکانی ڕۆژهەڵاتی کوردستان ماوەی چەند ڕۆژێک چەند چالاکییەکیان بەڕێوە برد کە سەرگەرمی و شادکردنی مناڵان مەبەستی سەرەکیی ئەو ڕێکخراوەیە بوو و بوونە هۆی دڵگەرمی و دڵخۆشی مناڵەکان.
ڕێکخراوی “کلاونسی بێسنوور” لە ئەمریکا دامەزراوە و بۆ مافی منداڵان بە تایبەت منداڵانی نەتەوەکانی بێ دەوڵەت کار دەکا. کار و بەرنامەی ئەو ڕێکخراوەیە پاراستنی مافی مناڵان و کارکردنە لەسەر هەست و باری دەروونی مناڵان و ساڵانە سەردانی چەند وڵاتێک دەکەن و کۆمەڵیک چالاکیی جۆراوجۆر بەڕێوە دەبەن. بەرنامەی ئەوان زۆرتر بەسەربردنی کات و دڵخۆشکردنی مناڵانە و بە تایبەت ئەو مناڵانەی کە لە دۆخێکی خراپدا ژیان بەسەر دەبەن.
شایانی باسە کە ڕیکخراوی”کلاونس” یەکەمین جارە سەردانی کوردستان دەکا و ئەوان لە بەرنامەیان دایە کە لەسەر پرۆژەکەیان بەردەوام بن و لە هەمانکاتدا کەسانی دیکە فێری ئەو جۆرە چالاکییانە بکەن بۆ ئەوەی لە داهاتوودا پرۆژەکان بەردەوام بن و هەروەها هەوڵ دەدەن کە لەگەڵ ڕێکخراوەکانی مافی مرۆڤ و ڕێکخراوەکانی پاراستنی مافی مناڵان قسە بکەن بۆ ئەوەی ئەوانیش سەردانی کوردستان بکەن و هاوکار و یارمەتیدەری مناڵانی کەمپەکانی پەنابەرانی ڕۆژهەلاتی کوردستان بن.

 

1 لە 7

- +

1.

2.

3.

4.

5.

6.

7.