سەرچاوە هەواڵدەرییەکانی هەرێمی کوردستان ڕایانگەیاندووە کە ١٤ مووشەکی دوورمەودای بالستیک ئاراستەی هەرێمی کوردستان کراون و ئەو مووشەکانە لە جۆری” فاتێح” و بەرهەمی وەزارەتی بەرگریی ڕێژیمی ئێرانن و لە کرماشانەوە ڕەوانە کراون و دەوروبەری کۆنسوڵخانەی نوێی ئەمریکا لە هەولێر و بینای تەلەڤیزیۆنی کوردستان ٢٤ی کردۆتە ئامانج.
بەپێی راپۆرتی هەواڵدەرییەکانی هەرێمی کوردستان شەوی شەممە لەسەر یەکشەممە ٢٢ی ڕەشەمەی ١٤٠٠ی هەتاوی، سپای تێرۆریستی پاسدارانی رێژیم بە ١٤ مووشەک بینای کۆنسوڵخانەی نوێی ئەمریکا لە هەولێر و بینای هەواڵدەریی” کوردستان ٢٤”یان کردۆتە ئامانج.
جێگەی ئاماژەیە کە ئەو مووشەکانە کە لە جۆری” فاتێح ١١٠” بەرهەمی وەزارەتی بەرگریی ڕێژیمی ئێرانن لە کرماشانەوە ڕەوانەی هەولێر کراوە و بینای نوێی کۆنسوڵخانەی ئەمریکا لە هەولێریان کردۆتە ئامانج.
پاش ئەو هێرشە مووشەکییە، موقتەدا سەدر، ڕێبەری ڕەوتی سەدر، لە تۆڕی کۆمەڵایەتیی تویتێر، بەکاردانەوە لەهەمبەر ئەو هێرشە نووسی: هەولێر کراوەتە ئامانجی خەیانەت، کوردەکان بەشێکی سییەکانی عێراقن و هیچ کات هەولێر بەو جۆرە هێرشە ترسنووکانەی دوژمناندا بە چۆکدا نایە.
