دوكتور عادل ئەلتەریفی، وەزیری فەرهەنگی عەرەبستان دهڵێ قسەكانی ئەم دواییانەی كاربەدەستانی ئێران لە ڕقو كینهی ئەوان بە نیسبەت خەڵكی عەرەبستانو پاشایەتیی ئەم وڵاتەو بیرو باوەڕو سوننەتەكانی ئەوان سەرچاوەی گرتووە.
وەزیری فەرهەنگی عەرەبستان دهڵێ ١٢ وڵاتی جیهان كاربەدەستانی ئێرانیان بەوە مەحكووم كردوە كە دەستیان لە تێرۆریسم، پووڵشووییو چەندین جینایەتی دیكەدا ههیه.
ئەلتەریفی بە هەواڵدەریی ئەلعەرەبیەی ڕاگهیاند: كۆمەڵگای جیهانی باش دەزانێ كە ڕێژیمی كۆماری ئیسلامیی ئێرانو سپای پاسداران، جگە لە پێكهێنانی گرووپە تێرۆریستییەكان لە ناوچەدا، بوون بە هۆی ناسەقامگیریی ناوچەی خۆرهەڵاتی نێوەڕاست، بە تایبەت وڵاتانی عەرەبی كەنداوی فارسیان تەواو شێواندووە.
وەزیری فەرهەنگی عەڕەبستان بۆ جارێكی دیكە پێداگریی كردۆتەوە كە ڕێبەریی عەرەبستان لە نێوان خەڵكی ئێرانو ڕێژیمی كۆماری ئیسلامیو سپای پاسداران جیاوازی دادەنێو خهڵک تێکهڵ به جینایهتهکانی ئهو ڕێژیمه ناکا.
ناوبراو هەروەها گوتی: وهڵامی كاربەدەستانی كۆماری ئیسلامی ڕوون و ئاشكرایە، كۆمەڵێك لە كاربەدەستانی ڕێژیمی ئێرانو سپای پاسداران لە لیستەی ئەم كەسانەدان كە ئامریكاو یەكیەتیی ئورووپا بەدواداچوونیان بۆ دەكەن، تەنانەت كۆمەڵێك لەوان دادگاییش كراون.
وەزیری فەرهەنگی عەرەبستان لە درێژەدا گوتی هەڵوێستی عەرەبستان لە تێکدانی پێوەندییەكانی لەگەڵ ئێران پاش سووتاندنی باڵوێزخانەو كۆنسوولگەریی ئەم وڵاتە لە تاران و مەشهەد ئاشكرایه. ناوبراو هەروەها گوتی: ڕێژیمی ئێران لە هەموو شوێنێك هەڵی كوتاوەتە سەر بەرژەوەندییەكانی عەرەبستانو لە بەرامبەردا پاشای عەرەبستان بە كردەوە بۆ مەحكوومكردنی دەستدرێژییەكانی ئێران و حیزبوڵڵا هەوڵی داوە.
ئەلتەریفی هەروەها گوتی: ئێران پاش ٣٠ ساڵ دهسهڵاتدارهتیی کۆماری ئیسلامی ئێستاش ڕوونی نەكردۆتەوە كە ئینقلابە یان دەوڵەت.
