نوێنەری ئەمریکا لە شۆرای ئاسایشی ڕێکخراوی نەتەوە یەکگرتووەکان ویڕای ڕەتکردنەوەی بانگەشەکانی ڕووسیە بە دژی ئەمریکا، لەبارەی بەکارهێنانی چەکی شیمیایی لە ئۆکراین نیگەرانیی دەربڕی و ڕووسیەی بە درۆزن و چەواشەکار وەسف کرد.
ڕۆژی هەینی ٢٠ی ڕەشەمەی ١٤٠٠ی هەتاوی، نوێنەری هەمیشەیی ئەمریکا لە ڕێکخراوی نەتەوە یەکگرتووەکان، لەبارەی چەکوچۆڵی شیمایی و بیۆلۆژیکی ڕووسیە کە لە ئۆکراین بەکاری هێناوە، نیگەرانیی خۆی دەربڕی وتی ڕووسیە بە درۆکردن ڕای گشتیی جیهانی هەڵخەڵەتاندووە و نەتەوە یەکگرتوەکانیش ڕایگەیاندووە کە هێزە سەربازییەکانی ڕووسیە لە چەند ناوچەی پڕ حەشیمەتی ئۆکراین چەکی شیمایی و بۆمبی خوشەیی بەکار هێناوە کە ئەوە مەترسییەکی گەروەیە بۆ سەر مرۆڤایەتی.
نوێنەری هەمیشەیی ئەمریکا لە شۆرای ئاسایشی نەتەوە یەکگرتوەکان لەو کۆبوونەوەیەدا وێڕای دەربڕینی نیگەرانی خۆی بە مەبەستی بەکارهێنانی چەکی شیمیایی لە لایەن ڕووسیەوە وتی: هەرجۆرە تاقیکردنەوەیەکی بیۆلۆژیکی ڕووسیە لە ئۆکراین لە لایەن ئەمریکاوە ڕەت دەکرێتەوە و نابێ بەهیچ شێویەک ڕێگە بە ڕووسیە بدرێ چەکی شیمیایی و بۆمبی خووشەیی بەکار بێنێ.
