پاش بڕیاری کۆمیسیۆنی یەکیەتیی ئورووپا لەهەمبەر سەپاندنی سزای قورس بەدژی ڕووسیە، ١٦٠ بازرگان و نوێنەری مەجلیسی ڕووسیە گەمارۆیان خرایەسەر.
ئۆرسۆلا فۆندێرلاین، بەرپرسی کۆمیسیۆنی یەکیەتیی ئورووپا، ڕۆژی چوارشەممە ١٨ی ڕەشەمەی ١٤٠٠ی هەتاوی لە وتووێژێکدا لەگەڵ هەواڵدەریی ئەلعەرەبییە وتی: یەکیەتیی ئورووپا پاش هێرشی سەربازیی ڕووسیە بۆ سەر ئۆکراین و لەدرێژەی گەمارۆکانیدا بۆ سەر ڕووسیە، ڕۆژی چوارشەممە ١٦٠ بازرگان و نوێنەری مەجلیسی ڕووسییەی خستە لیستی گەمارۆکانەوە.
هەرلەم پێوەندییەدا، جۆزێڤ بۆرێڵ، بەرپرسی سیاسەتەکانی دەرەوەی یەکیەتیی ئورووپا، ڕۆژی چوارشەممە بەهەواڵدەریی ئەلعەرەبییەی ڕاگەیاندووە لە دانیشتنی نوێنەرانی وڵاتانی یەکیەتیی ئورووپا لە بڕۆکسێل، بڕیارمان داوە بە مەبەستی گوشار بۆ سەر ڕووسیە گەمارۆگەلێک بەدژی ١٠٠ بەرپرسی ڕووسیە لە مەجلیسی ئەو وڵاتە و ٦٠ بازرگانی ڕووسیە بسەپێنین و بەمجۆرە گوشار بخەینە سەر ئابووری ڕووسیە و ڕووسیە لە هەموو بارێکەوە لاواز بکەین.
ناوبراو هەروەها لەدرێژەدا وتی: پوتین بە بێ هیچ بەڵگە و پاساوێک هێرشی سەربازیی کردۆتە سەر ئۆکراین و گیانی هاووڵاتییانی مەدەنیی ئەو وڵاتەیان ڕووبەڕووی مەترسیی کردۆتەوە و هەربۆیە دەبێ باجێکی قورس بدا.
