باوکی شەهید حیزبی دێموکرات لە بۆکانو خێزانی شەهیدێکی دیکەی ئەو حیزبە لە بانە بە ڕەحمەتی خودا چوون.
بەپێی ڕاپۆرتی کۆمیسیۆنی تەشکیلاتی حیزبی دێموکراتی کوردستان ڕۆژی یەکشەممە، ٢٢ی خاکەلێوە مام ساڵح قادریواڵا، باوکی شەهید ئەحمەد قادری واڵا کۆچی دوایی کرد.
شەهید ئەحمەد قادری ساڵی ٦٨ لە گوندی شێخلەر لە شەڕ لەگەڵ هێزەکانی کۆماری ئیسلامیدا شەهید بوو.
لە رووداوێکی دیکەداو هەمان ڕۆژ لە بانە پوورخاوەر عەبدوڵلاهی، خێزانی شەهید خاڵە تۆفیق ئەنجێنەیی بەهۆی نەخۆشی کۆچی دوایی کرد.
شەهید خاڵە تۆفیق ساڵحی ساڵی ١٣٦٦ ی هەتاوی لە ڕیزی پیشمەرگەکانی حیزبی دێموکراتدا کۆچی دوایی کرد.
ناوەندی ڕاگەیاندنی حیزبی دێموکڕاتی کوردستان بەو بۆنەیە سەرەخۆشی لە بنەماڵەو کەسوکاری مام ساڵح قادری لە بۆکانو پوورخاوەر عەبدوڵڵاهی لە بانە دەکاو خۆی بە شەریکە خەمیان دەزانێ