بنەماڵەی عوسمان ئیسماعیلی، چالاكی كرێكاری لە شاری سەقز لە لایەن ئیتلاعاتی ئەم شارەوە هەڕەشەیان لێكرا كە نابێ پێوەندیی بە ڕاگەیەنەكان دەرەوەی سنوورەكانەوە بگرن.
بنەماڵەی عوسمان ئیسماعیلی کە لە لایەن دادگای ئینقلابی شاری سەقزەوە سزای ساڵێکی بەسەردا سەپاوە، هەڕەشەی ئەوەیان لێكراوە كە ئەگەر پێوەندیی بە ڕاگەیەنە بیانییەکانەوە بگرنو باس لە بارودۆخی كرێكاران لە كوردستان بكەن، بەپێی قانوونی “فەساد لە ئەرزدا” هەڵسوكەوتیان لەگەڵ دەكرێ.
عوسمان ئیسماعیلی چالاكی كرێكاریی كورد ڕۆژی سێشەممە ٨ی بانەمەڕی ساڵی ٩٤ لە بەرەبەری ڕۆژی جیهانیی كرێكار لە كاتی كاركردن لە شاری سەقز لە لایەن هێزە ئەمنیەتییەكانەوە دەسبەسەرو بۆ ماوەی ١٢ ڕۆژ لە زیندانی ئیدارەی ئیتلاعاتی شاری سنە لێكۆڵینەوەی لە گەڵداو پاشان حوكمی ساڵێک زیندانیی بەسەردا سەپا.
ناوبراو لە لقی ١ی دادگای ئینقلابی ئیسلامی لە شاری سەقز بە سەرۆكایەتیی قازی سەیدج ەعفەر ڕەحیمی بە تۆمەتی پڕوپاگەندە بە قازانجی گرووپەكانی دژبە كۆماری ئیسلامیی ئێرانو ئەندامەتی لە یەكێك لە حیزبە كوردییەكان سزای ساڵێک زیندانیی بەسەردا سەپا.