هەیئەتێکی حیزبی دێموکراتی کوردستان لە ڕێوڕەسمی بەخاکسپاردنی خاتوو زوبێدە سەعید ئۆمەر دایکی بەڕێز کۆسرەت ڕەسووڵ بەشداری کرد.
ڕۆژی چوارشەممە ١١ی ڕەشەمەی ١٤٠٠ی هەتاوی، بەرانبەر بە ٢ی مارسی ٢٠٢٢ی زایینی، هەیئەتێکی حیزبی دێموکراتی کوردستان بە سەرپەرەستی کاک “حەسەن قادرزادە” ئەندامی دەفتەری سیاسیی حیزب لە ڕێوڕەسمی بەخاک سپاردنی خاتوو “زوبێدە سەعید ئۆمەر” بەشدارییان کرد. خاتوو زوبێدە دایکی بەڕێز “کۆسرەت ڕەسووڵ عەلی” سەرۆکی ئەنجوومەنی باڵای سیاسی و بەرژەوەندیی یەکێتی نیشتمانیی کوردستان بوو کە بەهۆی نەخۆشییەوە ماڵاوایی لە ژیان کرد و لە گوندی شیواشۆک بە خاک سپێردرا.
جێی ئاماژەیە کە دوای بەخاکسپاردنی خاتوو زوبێدە هەیئەتی حیزب پرسە و سەرەخۆشی خۆی بە ڕێباز کۆسرەت ڕەسووڵ عەلی و هەیئەتی یەکێتیی نیشتمانیی کوردستان ڕاگەیاند.
