كەندوكۆژە كەونارناسییەكان لە شوێنی مێژوویی سەرچەم لە نزیك ئاوایی “روئار” لە دەوروبەری شاری سەوڵاوا بوو بەهۆی دۆزرانەوەی ئاسەواری گوندێكی ٦ هەزار ساڵە لەم ناوچهیه.
ئەمیر ساعیدمووچشی، سەرپەرستی كەندوكۆژو دانهوهی شوێنی مێژوویی سەرچەمی شاری سەوڵاوا گوتی: ئەم ئاواییە تازەدۆزراوەی سەرچەم، هی دەورەیەكە كە كەونارناسان به دەورانی مسی بەردینە دهیناسن.
ناوبراو دهڵێ لە ڕەوتی ئەم گەڕانو پشكنینەدا ئاسهواری وەك سواڵهت، گڵینە، قاپو كەلو پەلی بەردی، پاشماوەی ئێسكو پرووسكی ئاژەڵەكان و شوێنەواری مێعماری دۆزراوەتەوە.
بە قسەی پشكێنەری ئەم شوێنە، تا پێش دۆزرانەوەی دەوروبەری سەرچەم هیچ زانیارییەك سەبارەت بە نیشتەجێبوونی خەڵك لە سەردەمی مسو بەردی ناوین لە ناوچەی هەوارام لەبەر دەستدا نەبوو، ههروهها تا ئێستا هیچ گوندێك بەم پێشینەو ڕابردووه زۆرەوە لە هەورامان دەستنیشان نەكرابوو.
ئەم كەونارناسە هەروەها گوتی، كەندوكۆژەكانی ئەم دواییانە دەتوانن زانیاری زۆر بەسوود لە بابەت چۆنیەتی هەڵسوكەوت كردن، سوننەتە فەرهەنگییەكانو جۆری پێوەندی گرتنی خەڵكی ئەوكات بخەنە بەر دەستی توێژەران.
هەورامان ناوچەیەكی كوردستانە كە بەشێكی پارێزگای سنەو كرماشانی گرتۆتەوە. خەڵكی ئەم ناوچەیە بە زاراوەی هەورامی دەدوێن كە یەكێك لە زاراوە شیرینەكانی زمانی كوردییە.