ڕاگەیەنە حكومهتییەكانی كۆماری ئیسلامی باسیان لە كوژرانی ٥ ئەندامی دیكەی سپای پاسداران لەم وڵاتە كرد.
محەممەدڕەزا جەبەلی خەڵكی تاران، ئەبۆلفەزل ڕاەچەمەنی خەڵكی پاكدەشت، حەمید قاسمپوور خەڵكی ئابادە، مۆحسێن ئیلاهی خەڵكی ئیستەهبان و ئەبووزەر غەواسی خەڵكی فەسا تازهترین كوژراوەكانی سپای پاسداران لە شەڕی نێوخۆیی سووریەن که جهنازهکانیان بۆ ئێران هاتۆتهوه.
بەپێی ئەم ڕاپۆرتە پاسداری كوژراو مۆحسێن ئیلاهی دەرەجەی سەرتیپ دووی لە سپای پاسداران بە مێژووی ٢٠ ساڵ ئهندامهری لهو ڕێکخراوه سهرکوتگهرهی ڕژیمدا بووە.
ڕۆژی سێشەممە ١٧ی خاكەلێوەش جەنازەی یەكێكی دیكە لە فەرماندەكانی سپا بە ناوی سەرهەنگی پاسدار عەلی تاهیری خەڵكی گوندی “سهرتهشنیز” سەر بە شاری كیار لە چوارمەحاڵو بەختیاری كە لە سووریە كوژرابووم گهڕاوه زێدهکهی.
هەر هەمان ڕۆژ، سەرچاوە ڕەسمییەكانی ڕێژیمی ئێران باسیان لە كوژرانی لانیكەم ٦ ئەندامی دیكەی سپای پاسداران لە شەڕو پێكدادانەكانی سووریە و ناشتنی جهنازهی 7 هاووڵاتیی پاكستانیو ئەفغانی كردووە كە سەر بە هێزی تێرۆریستیی قودس بوون.
جێی باسە لە كاتی سەرهەڵدانی شەڕو تێكهەڵچوونەكانی سووریەوە تا ئێستا بە سەدان پاسداری كۆماری ئیسلامی كوژراونو جەنازەكانیان بەرێی ئێران كراوەتەوە.
