سەرەڕای گوشار و هەڕەشەکانی ئیتلاعاتی کامیاران بە بەشداری خەڵک، چلەی ماتەمینی شەهید حەیدەر قوربانی لە ڕێوڕەسمێکی تایبەتدا بەڕێوەچوو.
ڕۆژی پێنجشەممە ٧ی ڕێبەندانی ١٤٠٠ی هەتاوی، سەرەڕای گوشاری هێزە ئیتلاعاتییەکانی ڕێژیم لە سەر بنەماڵەی شەهید حەیدەر قوربانی، چلەی ماتەمینی ئەو شەهیدە لە ماڵەکەی بە سروودی “ئەی شەهیدان” لە لایەن ژنانی بنەماڵەی شەهیدەوە دەستی پێکرد و خۆشکە شەرارە سادقی خێزانی شەهید حەیدەر سپاس و پێزانینی خۆی و بنەماڵەکەی ئاراستەی خەڵکی کوردستان کرد.
جێگای ئاماژەیە کە هێزەکانی ئیتلاعاتی رێژیم لە کامیاران هەڕەشەی لە بنەماڵەی شەهید حەیدەر قوربانی کردبوو کە نابێ بە هیچ شێوەیەک ڕێوڕەسم بگرن و تەنانەت هەڕەشەی لە خەڵکیش کردبوو کە نابێ بەشداری لە ڕێوڕەسمەکەیدا بکەن ، بەڵام سەرەڕای هەڕەشەکانی ڕێژیم خەڵکێکی زۆر لە ماڵەکەی شەهید حەیدەردا بە شدارییان لە ڕێوڕەسمی چلەی ماتەمینی ئەو شەهیدەکرد.
