چالاکیی تەبلیغیی میراتهەڵگرانی کۆمار و قوتابییانی پێشەوا قازی بەبۆنەی ٢ی ڕێبەندان، ساڵڕۆژی دامەزراندنی کۆماری کوردستان، لە شارەکانی کوردستان بەردەوامە.
بەپێی هەواڵی گەیشتوو لە کۆمیسیۆنی تەشکیلاتی حیزبی دێموکراتی کوردستان، بەبۆنەی ٧٦ـەمین ساڵڕۆژی دامەزراندنی کۆماری دێموکراتیکی کوردستان، چالاکیی تەبلیغیی ئەوینداران و میراتهەڵگرانی کۆماری کوردستان و قوتابییانی پێشەوا قازی محەممەد و تێکۆشەرانی حیزبی دێموکراتی کوردستان لە ناوچەکانی سەردەشت، شنۆ و لەیلاخ، بەڕێوە چووە.
ئەندامان و لایەنگرانی حیزبی دێموکراتی کوردستان بە بەڕێوەبردنی چالاکیی تەبلیغیی لە گوندی کۆڵەسەی ناوچەی هۆملی سەردەشت و ئاوایی شێخان لە ناوچەی شنۆ و بەخشی قوریچیای ناوچەی لەیلاخ، پەیمانیان لەگەڵ ئامانجەکانی پێشەوای سەرۆککۆمار و بەها پیرۆزەکانی کۆمار نوێ کردەوە.
