ژنێکی نەخۆشی تەمەن ٥٠ ساڵ بە ناوی “سویبە حەیدەری” خەڵکی گوندی “زەردوویی” سەر بە شاری پاوە بەهۆی پاک نەکردنەوەی ڕێگای ئەم گوندە دوای بەفربارین و دەدسپێڕانەگەیشتنی بە خزمەتگوزاریی پزیشکی گیانی لەدەست دا.
بەپێی زانیارییەکان، ڕێگای سەرەکیی گوندی زەردوویی بەهۆی بەفربارینەوە بۆ ماوەی ٤٨ کاتژمێر داخراوە و هەروەها ئاو و کارەبا و گاز و تەلەفۆن و ئینتەرنێتی ئەم گوندەش بچڕاوە و کاربەدەستانی ڕێژیمیش هیچ ئاوەڕێکان لەم گرفتانە نەداوەتەوە و ئەمەش بووەتە هۆی گیان لەدەستدانی ئەم ژنە.
جێی ئاماژەیە کە سەدان گوندی دیکەی کوردستانیش بەهۆی کەمتەرخەمیی کاربەدەستانی ڕێژیمەوە ڕێگاکانیان هەروا داخراوە و بێجگە لە ڕێگاوبان، ئاو و کارەبا و ئینتێرنێتیشیان بچڕاوە.
