بەشێک لە پردی مێژویی میرزا رەسوڵ، هەڵکەوتو لە سەر چۆمی تەتەهوو بە هۆ/>ی سێڵاوو پێڕانەگەیشتنی بەرپرسان ڕووخاو خاپوور بوو.
رۆژانی ١٢و ١٣ی خاکەلێوە بەفرو بارانێکی زۆر بەشێک لە ناوچەکانی رۆژهەڵاتی کوردستانی گرتەوەو بوو بە هۆی هەستانی لافاو. لافاو بە تایبەت پێدەشتەکانی شاروێران، شاماتو چۆمی مەجیدخان تا شاری سایینقەڵای گرتەوەو ئەوەش زیانی زۆری بە ئابووریی دانیشتووانی ئەو ناوچانە گەیاند. هاوکات پردی مێژویی میرزا رەسوڵ کە لە سەر چۆمی تەتەهوو لە رێگای میاندواو – مەهاباد هەڵکەوتوە، بەم هۆیەوە خاپوور بوو.
خاپوور بوونی ئەو پردە لە حاڵێکدا بوو کە پێشتر بودجەیەکی تایبەت بۆ نۆژەنکردنەوەی پردەکە تەرخان کرابوو بەڵام بە قسهی چالاکانی مەدەنیی ناوچەکە، بودجەی نۆژەنکردنەوە بە هۆی گەندەڵیی ئیداری خوراو خەرجی ئەو شوێنەوارە مێژوییە نەکرا.
مێژووی دروستکردنی پردی مێژویی میرزا رەسوڵ بۆ سەردەمی قاجارەکان دەگەڕێتەوە.
