شێخ مەحموود سەعیدی، کەسایەتیی ئایینی و نیشتمانپەروەر و پیری تەریقەتی قادری لە ئاوایی تاڵاو سەر بە ناوچەی شاماتی شاری مەهاباد ماڵاوایی لە ژیان کرد.
بەپێی هەواڵی گەیشتوو بە ناوەندی ڕاگەیاندنی حیزبی دێموکراتی کوردستان، ڕۆژی هەینی ٢٤ی بەفرانباری ١٤٠٠ی هەتاوی، شێخ مەحموود سەعیدی ناسراو بە “بابا شێخ”، کەسایەتیی نیشتمانپەروەر و پیری تەریقەتی قادری لە ئاوایی تاڵاو سەر بە ناوچەی شاماتی شاری مەهاباد ماڵاوایی لە ژیان کرد.
بابا شێخ وەک کەسایەتییەکی ئایینی لە ناوچەکانی شامات، چۆمی مەجیدخان و شاروێرانی مەهاباد، جێگای ڕێز و متمانەی خەڵکی ئەو ناوچانە بووە و هاوکات وەک کەسایەتییەکی نیشتمانپەروەر بەردەوام پەرۆشی دۆزی ڕەوای گەلەکەی بووە.
ناوەندی ڕاگەیاندنی حیزبی دێموکراتی کوردستان، بەبۆنەی کۆچیدوایی شێخ مەحموود سەعیدی ناسراو بە “بابە شێخ”، سەرەخۆشی لە بنەماڵەی بەڕێزیان و سەرجەم شوێنکەوتووانی و خەڵکی ناوچەکانی شامات، چۆمی مەجیدخان و شاروێران دەکا و خۆی بە شەریکی خەمیان دەزانێ.
