بڵاوبوونەوەی نەخۆشییەکی نامۆ لە سەقز بەهۆی خواردنەوەی ئاوی پیس

نەخۆشییەکی نامۆ لەنێو دانیشتوانی شاری سەقز بەهۆی خواردنەوەی ئاوی پیس بڵاو بووەتەوە.
له‌ماوه‌ی چەند ڕۆژی ڕابردوو به‌شێكی زۆر له‌ دانیشتووانی شاری سه‌قز به‌هۆی خواردنەوەی ئاوی پیس تووشی نه‌خۆشییه‌كی نامۆ بوونه و بە پەلە گەیەندراونەتە نەخۆشخانەکانی ئەو شارە .
پزیشكانی شاری سه‌قز ڕایانگه‌یاندووە به‌ ئه‌گه‌رێكی زۆر‌،‌ هۆكاری تووشبوون به‌و نه‌خۆشییه‌ بۆ پیسبوونی سه‌رچاوه‌ ئاوییه‌كانی ئه‌و شاره دەگەڕێتەوە‌ و هه‌ر له‌و پێوه‌ندییه‌دا چەن کاناڵی ناوخۆیی کە ئەم باسەیان وروژاندووە، بانگی ناوەندە ئیتلاعاتییەکان کراون و لێپێچینەوەیان لێ کراوە و بە هەڕەشەوە پێیان وتراوە کە بە هێچ شێوەیەک نابێ باسی ئەم بابەتە بکەن .
هەر لەم بارەوە خەڵکێکی زۆر سکاڵایان تۆمار کردووە کە ئاوی خواردنەوەیان پیسە، بەڵام بەرپرسانی ئەم شارە هیچ ئاوڕێکیان لەم بابەتە نەداوەتەوە.