بەرپرسێکی باڵای گرووپی تیرۆریستیی داعش کە دوو بەرپرسی ئاسایشی هەرێمی کوردساتنی شەهید کردبوو، لەلایەن سپای عێراقەوە کوژرا.
بەپێی راپۆرتی کوردستان٢٤، تیرۆریست عەبدولغەنی ئیبراهیم ڕەحیم، بەرپرسی باڵای گرووپی تیرۆریستیی داعش، کە دەستی لە شەهیدکردنی بەڕێوەبەری پێشووی ئاسایشی كوڵەجۆ و بەرپرسی ئۆپه‌راسیۆنەكانی ئاسایشی گەرمیان، هەبوو لە ئۆپەراسیۆنێکی هێزەکانی سپای عێراقدا كوژرا.
لەم پێوەدنییەدا عەقید شەماڵ عەبدولڕحمان، بەڕێوەبەری ئاسایشی كوڵەجۆ بە كوردستان٢٤ی ڕاگەیاندووە؛ لە ئۆپه‌راسیۆنێكی ھێزەکانی لیوای 54 سوپای عێراق لە گوندی “ئەبولغازی” لە زنجیرە چیای حەمرین، بۆ سەر گرووپی تیرۆریستیی داعش، ئه‌و چه‌كداره تیرۆریستەی داعش کە بەرپرسی شەهیدکردنی ڕائید سمكۆ عەلی، بەڕێوەبەری ئاسایشی كوڵەجۆ و ئاسۆی مام جلال مسۆیی، بەرپرسی ئۆپه‌راسیۆنی ئاسایشی گەرمیان و کۆمەڵیک لە پێشمەرگەکانی کوردستان بوو، کوژرا.
هەروەها بەڕێوبەری ئاسایشی کوڵەجۆ ڕایگەیاند کە پێشتر زانیارییان لەسەر ئەو بەرپرسە تیرۆریستەی داعش ھەبووە کە سەرپەرستیی ئەو ھێرشانەی بۆ سەر ھێزەکانی ئاساێش و پێشمەرگەی کوردستان كردووه و وتی؛ “ناوبراو خەڵکی گوندی تنێرەی سەر بە ناحیەی گوڵاڵەیە، لە پارێزگای کەرکووکە”.
