پێشانگای هەوارگە” فەرهەنكو داب و نەریتی كوردەواری” پاش٧ ڕۆژ چالاكی و پێشوازیی گەرمی خەڵكی مەهاباد كۆتایی بە كارەكانی خۆی هێنا.
لە ڕۆژی كۆتایی ئەم پێشانگایەدا كێبڕكێی تایبەتی منداڵان لە پێوەندی لەگەڵ شێوەی پارێزگاری له ئاژەڵان و كارگای فێركردنی ئەنجومەنی ژینگەپارێزیی شنۆ لە بەرنامەیەكی “ژینگەپارێزی”ی ئەم پێشانگایە بەڕێوەچوو، و چهند تابڵۆیهکی هەڵپەڕكێی گرووپی هەوارگە كۆتایی بەشی بەرنامەكانی بەیانیی ئەم پێشانگایە بوو.
پێشانگا لە كاتی پاشنیوەڕودا، بەرنامەی ڕێزلێنان لە براوەكانی كۆتایی كێبڕكێی تایبەتی منداڵان دەستی پێكردو لهو بهشهدا ڕێز لە ١٢ بەشداربووی سەركەوتوو گیرا. لە درێژەی بەرنامەكانیشدا بەرنامەی ئەدەبیی “ئێواره شێعرێک لهگهڵ ئێوه” دەستی بەكارەكانی كردەوەو شاعیرانی وەك سمكۆ پاكزاد، هەرمان وتمانی، شەویار گولابی ئازەر، گەلاوێژ بیگنیا، ئەسرین حەسەنپوور، مەسعوود حەسەنزادەو ئاڕەش نەدا بە مۆسیقایی تاری ئەحمەد تۆزە شێعرەكانیان خوێندەوە.
لە بەشێكی دیكەی ئەم پێشانگایەدا بەشداربووان سەردانی ژووری حەقایەتو چیرۆكیان کردو، پێشاندانی بەرهەمەكانی هونەرمەندی لاوی خوالێخۆشبوو سەید حەیدەر میرسەیدی، خواردنو چێشتە تایبەتییەكانی كوردو ئامێرەكانی جووتیاریو ئاژەڵداری چهند بڕگهیهکی دیکهی دوایین ڕۆژی ئهو پیشانگایه بوو.
لە درێژەی دوایین بەشی ئەم پێشانگایەشدا دوو هونەرمەندی شاری مههاباد، هونهرمهندان برایم قادری و كاكە ئیسماعیلی چەند گۆرانییەكیان پێشكەش كرد. پیشاندانی شانۆی “لەك لەكەكان” و ڕێزلێنان لە بەڕێوەبەرانی پێشانگاو ژەنینی چەند پارچە موزیكێكی فلكلۆری كوردی لەگەڵ هەڵپەڕكێ جۆراوجۆر دوایین بەشی چالاكییەكانی یەك حەوتووی پێشانگای هەوارگە “فەرهەنگ و نەریتی كوردی” لە شاری مەهاباد بوو.