ڕۆڵە بوێر و قارەمانەکانی حیزبی دێموکراتی کوردستان لە شاری بۆکان، بەبۆنەی ٢٦ی سەرماوە ڕۆژی پێشمەرگە و ئاڵای پیرۆزی کوردستان چالاکیی تەبلیغیی بەربڵاویان بەڕێوە برد.
بەپێی هەواڵی گەیشتوو بە ناوەندی ڕاگەیاندنی حیزبی دێموکراتی کوردستان، ڕۆژی سێشەممە ٢٣ی سەرماوەزی ١٤٠٠ی هەتاوی، تێکۆشەرانی دڵسۆز و ئەندامانی حیزبی دێموکراتی کوردستان لە شاری بۆکان، بەبۆنەی ٢٦ی سەرماوەز ڕۆژی پێشمەرگە و ئاڵای پیرۆزی کوردستان، لە گوندەکانی ئاڵبلاغ، هەوارە بەرزە، تورکمانکەندی، قەڵایچی و گەڕەکەکانی شەقامی نەخۆشخانە و نەخۆشخانەی بۆکان، بە دروشم و وێنەی تایبەت بەبۆنەی ڕۆژی پێشمەرگە و ئاڵای پیرۆزی کوردستان، چالاکیی تەبلیغیی بەربڵاویان بەڕێوە برد.
ڕۆڵە قارەمانەکانی ڕێبازی پیرۆزی حیزبی دێموکراتی کوردستان لە شاری بۆکان، سەرەڕای هەڕەشەی هێزە سەرکوتکەرەکانی کۆماری ئیسلامیی ئێران، بەبۆنەی ڕۆژی پێشمەرگە و ئاڵای کوردستان بە چالاکیی تەبلیغیی ئەو ڕۆژەیان لە هێزی پێشمەرگەی کوردستان پیرۆز کرد و بەلێنیان دووپات کردەوە تا کاتی ئازادی و سەربەستیی کوردستان، وێڕای پێشمەرگە لە سەنگەرێکدا بەدژی داگیرکەران لە خەبات و تێکۆشان بەردەوام بن.
