بەڕێوەچوونی چالاکیی تەبلیغیی بەبۆنەی ٢٦ی سەرماوەز لە شاری سنە

لە شاری سنە بەبۆنەی پێشوازی لە ٢٦ی سەرماوەز، ڕۆژی پێشمەرگە و ئاڵای کوردستان لە چەند گەڕەکێکی ئەو شارە چالاکیی تەبلیغیی بەڕێوە چوو.
بەپێی هەواڵی گەیشتوو بە ناوەندی ڕاگەیاندنی حیزبی دێموکراتی کوردستان، ڕۆژی یەکشەممە ٢١ی سەرماوەزی ١٤٠٠ی هەتاوی، لە بەرەبەری ٢٦ی سەرماوەز ڕۆژی پێشمەرگە و ئاڵای کوردستان، ئەندامان و دڵسۆزانی حیزبی دێموکراتی کوردستان لە گەڕەکەکانی چوارباخ، پشت بازاڕ، سێ‌ڕای ئەدەب، ئاغەزەمان، بەهاران و دوو نۆزدەی شاری سنە، بە بڵاوکردنەوەی پۆستێر و دروشمی “٢٦ی سەرماوەز پیرۆز بێ” چالاکیی تەبلیغییان بەڕێوە برد.
ئەندامان و دڵسۆزانی حیزبی دێموکراتی کوردستان سەرەڕای بەربەستی هێزە سەرکوتکەرەکانی کۆماری ئیسلامیی ئێران، بەبۆنەی ٢٦ی سەرماوەز ڕۆژی پێشمەرگە و ئاڵای کوردستان، بە نووسی دروشم و بڵاوکردنەوەی وێنەی پێشمەرگە چالاکی تەبلیغییان بەڕێوە برد و گەرمترین پیرۆزباییان لە هێزی پێشمەرگە کرد و ئاڵای کوردستانیان شەکاندەوە.

 

1 لە 5

- +

1.

2.

3.

4.

5.