وەزارەتی دادگۆستەری ویلایەتە یەکگرتووەکانی ئەمریکا لە ڕاگەیاندراوێکدا ڕایگەیاندووە کە هێزەکانی ئەمریکا لە دەریای عەرەب دەستیان بەسەر دوو باری چەکوچۆڵی ڕێژیمی ئێراندا کە بۆ حووسییەکانی یەمەن ڕەوانە کرابوو،گرتووە.
وەزارەتی دادگۆستەری ئەمریکا هەر لەم بارەوە ڕایگەیاند کە دەستی بەسەر ١٧١ مووشەک و ٨ مووشەکی دژەتانک و یەک میلیون و سەد هەزار بەرمیل نەوتی ڕێژیمی ئێراندا گرتووە کە بۆ میلیشیا حووسییەکانی یەمەن و وڵاتی وێنێزۆئێلا ڕەوانە کراوە.
هێزەکانی ئەمریکا ئەم بارە چەکوچۆلەیان لە دوو کەشتی لە دەریای عەرەبدا گرتووە کە دواتر دەرکەوتووە ئەم بارە لەلایەن سوپای تێرۆریستیی پاسدارانەوە بۆ حووسییەکانی یەمەن ڕەوانە کراوە.
