نرخی هەر دۆلارێکی ئەمریکا لە بازاڕی ئازادی ئێران، سنووری ٣١ هەزار تمەنی تێپەڕاند.
نرخی دۆلاری ئەمریکا لە بازاڕی ئاڵوگۆڕی دراو، دووبارە ڕێکۆردێکی نوێی تۆمار کرد و ئەمڕۆ ١٦ی سەرماوەز، نرخی هەر یەک دۆلار، سنووری ٣١ هەزار تمەنی تێپەڕاند.
دوای بەئاکام نەگەیشتنی دانوستانەکانی ڤییەن و هێرشی سەر بنکە ناوکییەکەی ڕێژیمی ئیسلامیی ئێران، ڕۆژبەڕۆژ بایەخی پارەی ئێران دادەبەزێت.
لە سەرەتای هاتنەسەرکاری ”ئیبراهیم ڕەئیسی” هەتا ئێستا، هەر ڕۆژە و دۆلار نرخێکی نوێ تۆمار دەکات و ڕێکۆردی ساڵی ١٤٠٠ دەشکێنێت و لەماوەی ١٠٠ ڕۆژی یەکەمی دەوڵەتی ڕەئیسی تمەن ٢٥ لەسەدی بەهای خۆی لەدەست داوە.
شایانی باسە کە لەژێر سێبەری دەسەڵاتداریەتیی ڕێژیمی ئاخوندی، ڕۆژبەڕۆژ پارەی ئێران بێنرختر دەبێت و گرانی و هەژاری زۆرتر لە هەموو کات تەنگی بە خەڵک هەڵچنیوە.
