هەواڵدەرییەکانی سووریە، هێرشی ئاسمانیی ئەرتەشی ئیسرائیلیان بۆسەر ئامانجگەلێک لە باشووری ڕۆژاوای بەندەری لازقیەی سووریە پشتڕاست کردەوە و ڕایانگەیاند کە لە ئاکامی ئەو هێرشانەدا چەندین کانتینێری گەورە ئاگریان تێبەر بووە.
هەواڵدەریی فەرمیی سووریە” سانا”، لە زاری بەرپرسێکی سەربازیی سووریەوە لە ڕاپۆرتێکدا ڕایگەیاند کە ئەرتەشی ئیسرائیل بەرەبەیانی ڕۆژی سێشەممە ١٦ی سەرماوەزی ١٤٠٠ی هەتاوی، لە هێرشیکی ئاسمانیدا بۆسەر بەندەری لازقیەی سووریە، چەندین کانتینێری گەورەی کردۆتە ئامانجی هێرشەکانی و ئاگری تێبەرداون.
هەر لەم پێوەندییەدا عامر ئیسمائیل هیلال، فەرمانداری لازقیە بە هەواڵدەریی فەرمیی سووریەی ڕاگەیاندووە کە لە ئاکامی هێرشی مووشەکی ئەرتەشی ئیسرائیل بۆسەر بەندەری لازقیە چەندین کانتینێری گەورە ئاگریان گرتووە.
