خەڵکی کوردستان لە ناوچە جیاکانی کوردستان بە گەرمی بەرەوپیلی نەورۆز چوونو بە بەڕێوەبردنی بەشکۆی بۆنە نەورۆزییەکان بەرەوپیلی ساڵێکی نوێ لە ژیانو تێکۆشان چوون.
بەپێی ڕاپۆرتی پەیامنێری کوردستانو کورد لە زۆربەی شارو ناوچەکانی کوردستان، خەڵک بە گەرمیو حەماسەوە ئاوری نەورۆزیان لە شوێنی ژیانیان، لە بەرزاییەکانی شارو گوندەکان کردۆتەوەو بە سروودی حەماسیو بەرزکردنەوەی دروشمی نەتەوەیی بە دەوری ئاگردا شاییو شادییان کردوە.
لەگەڵ ئەوەی پێشوازیی خەڵک لە نەورۆز لە هەموو شوێنو ناوچەکانی کوردستان بە گەرمیو گوڕی بەڕێوەچووە، بەڵام لە هەندێ شوێن بەشێوەی کاربۆکراو و رێکخراوە بەڕێوەچووە کە بەشێکیان بریتین لە:
ئاوایی مێهمانداری نەغەدە، گوندی خوری ئاوای بانە، نێوشاری مەریوان، تەنیشت بەنداوی مەهاباد، بێورانی خوارێ لە سەردەشت، لوتکەی کاسەشکێن، دزەی مەرگەوەڕ لە ورمێ، کۆستە لە بۆکان، لوتکەی بابۆس لە بانە، کرماشان، داڵاهۆ، پاوە
کۆسە کەرێزێ مەهاباد، نستان لە سەردەشت، سەلاسی باوەجانی، مەریوان، سنە،
خوڕخوڕە و خانەگێ لە مەهاباد، ئاوایی چۆڕ و ننە لە مەریوان، گوندی نەروە و حەسەناوا لە سنە، نێوشاری سنە، بۆکان و گوندەکانی ناچیت و وشتەپە، ئاواییەکانی نیوژ و مەزرا لە سەردەشت، نێو شاری نەغەدە، سیسێر، نۆدشە، دێولان، چیای شەیا، گردی قەبران لە تەنیشت مەزاری ئەحمەدی کۆڕ، ئاوایی گۆلی مەرزینگان لە بۆکان، گوندەکانی نێ، پاڵنگان، کانی بیوران و قەلەرەشێ لە سەردەشت.
جێی بیرهێنانەوەیە کە لە بەرەبەری نەورۆزدا کۆمیسیۆنی تەشکیلاتی حیزبی دێموکراتی کوردستان بانگەوازێکی بڵاو کردبۆوە.
لەو بانگەوازەدا ڕوو له لاوانی بە هەستو ئازادیخوازو سەرجەم خەڵکی وشیارو بە هەڵوێستی کوردستان هاتوه که ئەمساڵیش بۆنەکانی چوارشەمەسووری و نەورۆز بکەنەوە بە نوێنگەی یەکڕێزیو هەڵوێستی نەتەوەییو نیشتمانیی خۆتان. ئێوە کە بە وشیاریو هیممەتی هەموو لایەکتان، ڕۆژهەڵاتی کوردستانتان کردوە بە لانکەی چالاکیو تێکۆشانی مەدەنی، لە چوارشەمە سووریو نەورۆزیشدا وێڕای دووری کردن لە هەر کردەوەو چالاکییەک کە زیان بە سڵامەتیی گیانیی خۆتانو هاونیشتمانانو ژینگەی کوردستان بگەیەنێ، دیسان کارنەڤاڵێکی جەماوەری لە فەرهەنگدۆستیو عەزمو ئیرادەی خەباتکارانەی خۆتان وەڕێ بخەنەوە.