نوێنەری شارەكانی سەقزو بانە ڕەخنەی لە شێوەی كاركردی دەوڵەت لە پارێزگای سنە گرتو گوتی: پێویستە دەوڵەتی مشوورو هیوای حهسهن روحانی بەردەوام ئەم مەسەلە وەبیر خۆی بێنێتەوە كە دەنگی سەدی ٧٢ی خەڵكی سنە بەم دەوڵەتە، بە هۆی بەیاننامەی ژمارە ٣ی نەتەوەو ئایینەكان بوو، کهواته دەبی ئەم دەوڵەتەش بەڵێنییەكانی خۆی بەجێ بگەیەنێ.
مۆحسێن بیگلەری لە یەكەمین فستیڤاڵی بەهاری كتێبی كوردستان، ئاماژەی بە کێشهو ئاستهنگهکانی بهردهم چالاکیی نووسەرانی کورد له پارێزگای سنە كرد و گوتی: نووسەرە كوردەكان جگە لە داڵغەی نووسینو خۆسانسۆڕی خۆیان، لەگەڵ گرفتی وەرگرتنی مۆڵەتو خەرج و تێچووی چاپی كتێبەكانی خۆشیان بەرەوڕوون.
نوێنەری شارەكانی سەقزو بانە هەروەها گوتی: نەبوونی سینەما لە هێندێك لە شارەكانی ئەم پارێزگایە، نەبوونی ساڵۆنەكانی كۆبوونەوەو ساڵۆنە فەرهەنگی ـ هونەرییەكان لەم شارانە، نیشانەی بەردەوامیو زۆریی گرفتە فەرهەنگییەكانی ئەم پارێزگایەن.
ناوبراو هەروەها باسی لە چاوهڕوانییهکان بۆ ڕادەستكرانی پۆستەکانی بهڕێوهبهریی ئەم پارێزگایە بە بژارده کوردهکان كردو گوتی: لەم بارەوە گلەییەكی زۆرم لە دەوڵەت هەیە.
ناوبراو گوتی چاوەڕوانیمان لە دەوڵەتی مشوورو هیوا ئهوه بوو كە وەزیر یان جێگرێکی وەزیری لەنێو كوردەكان هەڵبژاردبا تا زیاتر بتوانن ئاوڕ لە گرفتەكانی ئەم پارێزگایەش بدەنەوە.