هێزە چەکدارەکانی ڕێژیم لە شاری میناب ١٤ سووتەمەنیبەری بەلووچیان دەسبەسەر کرد و هەروەها دەستیان بەسەر ماشینەکانیاندا گرتووە.
بەپێی ڕاپۆرتی کەمپەینی چالاکانی بەلووچ، ڕۆژی هەینی ٢٨ی خەزەڵوەری ١٤٠٠ی هەتاوی، بەرپرسی گشتیی دادگوستەری پارێزگای هۆرمۆزگان، ڕایگەیاند کە ١٤ سووتەمەنیبەری بەلووچ لە شاری میناب بەهۆی گواستنەوەی قاچاخی سووتەمەنی دەسبەسەرکراون و هەروەها دەستیان بەسەر ماشینەکانی ئەو سووتەمەنیبەرانەدا گرتووە.
کەمپەینی چالاکانی بەلووچ لەم پێوەندییەدا ڕایانگەیاند کە هێزە چەکدارەکانی ڕێژیمی ئێران لە شاری میناب، هەڵیانکووتاوەتە سەر کاروانێکی سووتەمەنیبەر لە شاری میناب و ١٤ کەسی سووتەمەنیبەریان دەسبەسەر کردووە.
هەروەها کەمپەینی چالاکانی بەلووچ ڕایانگەیاندووە کە هەر لیترێک سووتەمەنی بڕی ٢٥هەزار تمەن سزای ماددی بۆ دیاری کراوە.
