ئەفغانستان: ئیزن نادەین وڵاتەکەمان ببێتە مەیدانی کێبەرکێی زلهێزە جیهانییەکان

بەرپرسی وەزارەتی دەرەوەی گرووپی تاڵیبان، سەرەڕای هۆشداری بە کۆمەڵگەی جیهانی وتی: ئیزن نادەین ئەفغانستان ببێتە مەیدانێک بۆ کێبەرکێی وڵاتە زلهێزە جیهانییەکان.
ئەمیرخان موتتەقی، بەرپرسی وەزارەتی دەرەوەی گرووپی تاڵیبان، ڕۆژی شەممە ٢٢ی خەزەڵوەری ١٤٠٠ی هەتاوی، لە کۆنفرانسێکی ڕۆژنامەوانیدا لە ناوەندی لێکۆڵینەوەی ستراتیژیکی ئیسلام ئاباد، هۆشداری بە کۆمەڵگەی جیهانی دەدا کە لە ڕێگەی زۆر و گوشارەوە بۆسەر تاڵیبان، ناتوانن ئێمە پەلکێش بکەن کە وڵامی ئەرێنی داواکارییەکانی کۆمەڵگەی جیهانی بدەینەوە.
ناوبراو لە درێژەدا وتی: چاوەڕوانی و داواکاریی کۆمەڵگەی جیهانی لەهەمبەر چاکسازی لە حکومەتی تاڵیباندا، تەنیا لە ڕێگەی هاوکارییەوە ئاکامی دەبێ و تاڵیبان ئامادەیە کە وڵامێکی ئەرێنی بەو داواکارییانەی کۆمەڵگەی جیهانی کە بەرژەوەندییەکانی هاووڵاتییانی ئەفغانستان دابین دەکا، بداتەوە.