لە ناوچەی ورمێ بەبۆنەی پشتیوانی و درێژەدان بە ڕێبازی حیزبی دێموکراتی کوردستان، ئەندامانی دڵسۆزی حیزب لەو ناوچەیە چالاکی تەبلیغییان بەڕێوە برد.
بەپێی هەواڵی گەیشتوو بە ناوەندی ڕاگەیاندنی حیزبی دێموکراتی کوردستان، ئەندامانی دلسۆزی حیزبی دێموکراتی کوردستان لە ناوچەی ورمێ بەبۆنەی درێژەدان و نوێکردنەوەی پەیمان و بەڵین بە ڕێبازی شەهیدانی کوردستان و حیزبی دێموکرات، بە هەڵکردنی دروشمی “بژی حیزبی دێموکراتی کوردستان”، “بژی دوکتور قاسملووی نەمر” و “خەبات بەردەوامە” چالاکیی تەبلیغییان بەڕێوە برد.
ئەندامان و لایەنگرانی حیزبی دێموکراتی کوردستان لە ناوچەی ورمێ، سەرەڕای هەڕەشە و مەترسیی هێزە سەرکوتکەرەکانی کۆماری ئیسلامیی ئێران، قەت کۆڵیان نەداوە و هەستی نەتەوایەتی خۆیانیان پاراستووە و بەردەوامیش سوورن لەسەر مافە ڕەواکانیان و هەر لەو ڕەهەندەوە بۆ بەردەوامی بە خەبات و تێکۆشان بە دژی داگیرکەرانی کوردستان چالاکی تەبلیغیییان بەڕێوە برد و بەڵێن و پەیمانیان لەگەڵ ڕێبازی حیزبی دێموکراتی کوردستان نوێ کردەوە.