سکرتێری گشتیی ڕێکخراوی نەتەوە یەکگرتووەکان، سەرەڕای مەحکوومکردنی هێرشی تێرۆریستی بۆسەر سەرۆک‌وەزیرانی عێراق، داوای سزای قورس بۆ بکەرانی ئەو جینایەتە دەکات.
ئانتۆنیۆ گۆتێرێز، سکرتێری گشتیی ڕێکخراوی نەتەوە یەکگرتووەکان، شەوی یەکشەممە ١٦ی خەزەڵوەری ١٤٠٠ی هەتاوی، سەڕەڕای مەحکوومکردنی هەوڵی تێرۆری مستەفا کازمی سەرۆک‌وەزیرانی عێراق، داوای لە هەموو گرووپ و ڕەوتە سیاسییەکانی عێراق کرد کە پێبەند بن بە پاراستنی یاسایی بنەڕەتی ئەو وڵاتە و کێشەکانیان لە رێگەی وتووێژ و بە بەشداریی هەموو لایەنە سیاسییەکان چارەسەر بکەن.
ناوبراو لە دڕیژەدا داوای لە خەڵکی هەموو عێراق کرد کە دوور بن لە کێشە و ناکۆکیی و هەموو هەوڵەکانیان لە چوارچێوەی پاراستنی سەروەریی خاکی عێراقدا بێت و ڕێکخراوی نەتەوە یەکگرتووەکان بەردەوام پشتیوانی لە دەوڵەتی عێراق و خەڵکی عێراق دەکات بۆ بەرەو پێشبردنی داهاتوویەکی باشتر بۆ عێراق.
هەر لەم پێوەندییەدا جۆ بایدێن سەرۆک‌کۆماری ئەمریکا، هێرش بۆسەر شوێنی نیشتەجێبوونی مستەفا کازمی سەرۆک‌وەزیرانی عێراقی بە هێرشیکی تێرۆریستی ناوبرد و وتی: تیمی ئاسایشی نەتەوەیی ئەمریکا ئامادەیە بۆ بینینەوەی بکەرانی ئەو تاوانە تێرۆریستییە، هاوکاریی دەوڵەتی عێراق بکات.
